२०७९ आश्विन १२ बुधबार

मेस्सीले छाडेपछि बार्सिलोनाको हालत मन्दिरको घन्टी जस्तै, जो आउँछ बजाएर जान्छ !

एजेन्सी : उरुग्वेली फरवार्ड लुइस सुआरेजले पुर्व क्लबविरुद्ध एक गोल र अर्काे असिस्ट दिएपछि स्पेनिस ला लिगामा क्याटलान क्लब बार्सिलोनाले एट्लेटिको म्याड्रिडसँग हार बेहोरेको छ ।

वान्डा मेट्रोपोलिटानोमा शनिबार राति भएको खेलमा घरेलु टोली एट्लेटिकोको जितमा थोमस लेमार र लुइस सुआरेज गोल गरेपछि बार्सिलोनाले २–० को हार बेहोरेको हो । दुवै गोल पहिलो हाफमा भएको थियो ।

यस सिजन यो ९ खेलमा बार्सिलोनाको तेस्रो हार हो। जस मध्ये ३ खेलमा जीत निकाल्दा तीन खेल बराबरीमा सकिएको थियो। सिजनको पहिलो खेलमा रियल सोसीडाडलाई ४-२ ले पराजित गर्दै सुखद सुरुवात गरेको क्याटालान क्लबले सिजनको दोस्रो खेलमा एथलेटिको म्याड्रिडसँग १-१ को बराबरीमा सकिएको थियो।

त्यस्तै ग्रनाडा र काडिजसँग लगातार २ खेलमा बराबरी खेलेको बार्सिलोनाले गेटाफे विरुद्ध २-१ र लेभान्ते विरुद्ध ३-० को जीत निकाल्न सफल भएको थियो। लालिगामा ७ खेलबाट १२ अंक जोडेर ९ औं स्थानमा रहेको बार्सिलोनाले च्याम्पियन्स लिगमा भने एक खेल पनि जित्न सकेको छैन।

समूह चरणका पहिलो २ खेलमा बार्यन म्युनिख र बेन्फिकासँग समान ३-० ले पराजित भयो। गयरातीको जितपछि अपराजित रहेको एट्लेटिकोले ८ खेलबाट १७ अंक जोड्दै शीर्ष स्थानको रियल म्याड्रिडसँग अंक बराबरी गरेपनि गोल अन्तरमा दोस्रो स्थानमा रहेको छ। दुवै टोलीको समान १७ अंक छ । रियलले एक खेल कम खेलेको छ ।-विगुल न्युज बाट

२०७८ आश्विन २०, बुधबार ०१:२४ गते 1 Minute 318 Views

यहाँ प्रकाशित कुनै समाचारमा तपाईंको गुनासो भए हामीलाई [email protected] com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।