२०७९ आश्विन २० बिहीबार

मदन भण्डारीकी छोरी उषालाई एमाले सचिव बनाउने तयारी !

काठमाडौं : नेकपा एमालेमा विरासतको राजनीति सुरु हुने भएको छ । राष्ट्रपति विद्यादेवी भण्डारी र एमालेका दिवंगत महासचिव मदन भण्डारीकी जेठी छोरी उषाकिरण भण्डारी

लाई दशौं महाधिवेशनमा पदाधिकारी बनाउने तयारी भएको हो । उषाकिरणले राजनीतिमा आउन आधार तयार गरिसकेकी छिन् । उनी अखिल नेपाल महिला संघकी केन्द्रीय सदस्य हुन् । संघमा विगतमा विद्या भण्डारी अध्यक्ष थिइन् ।

एमालेको राजनीतिमा प्रभाव बनाउँदै आएको मदन भण्डारी फाउण्डेशनमा उषाकिरण अध्यक्ष छिन् । उनलाई राजनीतिमा ल्याउनकै लागि राष्ट्रपति भण्डारीले वर्षौ देखि त्यही अनुसारको स्कुलिङ गर्दै आइन् । उषाकिरण दिल्लीस्थित जवाहरलाल नेहरु विश्वविद्यालयबाट एमए गरेकी छिन् ।

एमाले अध्यक्ष केपी शर्मा ओली पनि उषाकिरणलाई राजनीतिमा अगाडि बढाउन तयार भएको बुझिएको छ । उनलाई सकभर सचिव बनाउने गरी तयारी भएको हो । राष्ट्रपति भण्डारीकी कान्छी छोरी निशाकुसुम भने राजनीतिमा आउने सम्भावना कम छ ।

उनले नेपाली काँग्रेसकी पूर्व सांसद किरण यादवको छोरासँग विवाह गरेकी छिन् । निशाको परिवारको राजनीतिक पृष्ठभूमि काँग्रेस भएकाले पनि उषाले नै भण्डारी परिवारबाट एमालेको राजनीतिमा भविष्यमा नेतृत्व लिने गरी बढ्ने योजना बनिसकेको बुझिएको छ ।-रिपोर्टस नेपाल

२०७८ कार्तिक ९, मंगलवार २२:०९ गते 1 Minute 163 Views

यहाँ प्रकाशित कुनै समाचारमा तपाईंको गुनासो भए हामीलाई [email protected] com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।