२०७९ आश्विन २० बिहीबार

उत्तर कोरियाद्वारा आफ्ना नागरिकहरुलाई थोरै खान निर्देशन, पेटभरी खान नपाइने !

प्योङयाङ : उत्तर कोरियाले आफ्ना नागरिकहरुलाई थोरै खान निर्देशन दिएको छ । सन् २०२५ मा चीनसँगको सिमा नखुल्दासम्म उत्तर कोरियाले आफ्ना नागरिकहरुलाई थोरै खान निर्देशन दिएको हो ।

खाद्य अभावबाट उत्तर कोरिया नराम्रोसँग प्रभावित छ । अभावका कारण पर्याप्त खान नपाउँदा केही मानिसहरु भो’कमरीको चपेटामा परेका छन् ।को-भि’ड महामारी फैलिएपछि उत्तर कोरियाले सन् २०२० को जनवरीदेखि चीनसँगको सीमा बन्द गरेको थियो ।

सीमा बन्दपछि देशको अर्थतन्त्रमा गम्भीर असर गरेको छ । उत्पादनभन्दा माग बढेकोले दैनिक उपभोग्य बस्तुको मूल्य आकाशिएको छ ।सन् २०२५ अगाडि चीनसँगको सीमा खुल्ने सम्भावना न्यून रहेको विज्ञहरुले बताउँदै आएका छन् ।‘उत्तर कोरियामा खाद्य सामाग्रीको चरम अभाव छ ।

यही बेला सरकारले हामीलाई अझै चार वर्ष थोरै खान उर्दी जारी गरेको छ ।’ सरकारी अधिकारीहरुको निर्देशनपछि निराश बनेका एक सर्वसाधरणले भने ।समस्याका बाबजूद उत्तर कोरियाली नेता किम जोङ उनले विश्वबाट नै एक्लिँदै गएको देशलाई आत्मनिर्भर हुन जोड दिँदै आएका छन् ।

यही जुलाईमा पार्टीको केन्द्रीय कमिटीको वैठकले सर्वसाधरणलाई जमिन खाली नराख्न र उत्पादन बृद्धि गर्न आग्रह गरेको थियो ।राष्ट्रसंघको खाद्य तथा कृषि संगठनले उत्तर कोरियामा यो वर्ष ८ लाख ६० हजार टन खाद्यन्न आवश्यक रहेको जनाएको थियो ।

२०७८ कार्तिक ११, बिहीबार १७:४४ गते 1 Minute 255 Views

यहाँ प्रकाशित कुनै समाचारमा तपाईंको गुनासो भए हामीलाई [email protected] com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।