२०७८ कार्तिक १ सोमबार

भारतिय मिडियालाई सन्दिपले भने – म फेरि आईपिएल खेल्न चाहन्छु ।

काठमाडौं : भर्खरै काठमाडौंमा सम्मन्न त्रिकोणात्कम शिरिजमा शानदा प्रदर्शन गर्दै नेपाललाई एैतिहासिक उपाधी दिलाउन महत्वपुर्ण भुमिका निभाएका नेपाली स्पिनर सन्दिप लामिछानेले पुन: आईपिएल खेल्ने इच्छा ब्यक्त गरेका छन् ।

सन्दिपले भारतको चर्चित मिडिया ‘टाईम्स अफ इन्डियासँग आईपीएल अनुभव, नेपाली क्रिकेट लगायत विषयमा कुराकानी गर्दै उक्त कुरा बताएका हुन् । ” बिश्वको चर्चित लिगको दिल्ली क्यापिटल्सबाट खेल्ने अवसर पाउनु मेरो लागि निकै ठुलो कुरा थियो ।

यो मेरो जिवनकै भबिष्मरणिय क्षण थियो जुन म लामो समयको लागि सम्झनेछु। रिकी पोन्टिङको प्रशिक्षण र श्रेयस ऐयरको कप्तानीमा खेल्नु मेरो लागि विशेष अनुभव थियो। मैले ३ बर्ष दिल्लीको टिममा रहदा धेरै कुरा सिक्न पाए । ” टाईम्स अफ इन्डियालाई सन्दिपले बताए ।

त्यस्तै यसपटकको आईपिएफ खेल्न नपाएको बिषयमा कुरा गर्दै सन्दिपले भने “ यसपटक टिमलाई स्पिरहरुको त्त्यति धेरै आवश्यकता थिएन । दिल्ली क्यापिटल्सकै कुरा गर्नु पर्दा पनि टिम स्पिनरले भरिपूर्ण छ यो सिजन।

त्यसैले उनीहरु ब्याट्सम्यान चाहन्थे। केहि छैन, सधै आफुले सोचेजस्तो हुदैन ।” आईपीएल फेरी खेल्ने मन छ भने प्रश्नमा सन्दिपले भने “अवस्य पनि , यदी कुनै टिमले मलाई लिएको खण्डमा म पक्कै पनि फेरी आईपीएल खेल्न चाहन्छु।” 

लामिछानेले पहिलो पटक सन् २०१८ मा दिल्लीबाट आइपीएल खेलेका थिए । उनी त्यो बेला रु ३२ लाखमा अनुबन्ध भएका थिए । सन् २०१९ र सन् २०२० मा दिल्लीको टोलीमा रहेका लामिछानेलाई फुकुवा गरेपछि उनी यस पटक अक्सनमा सहभागी भएका थिए । सन् २०१८ को आइपीएलमा लामिछानेले तीन खेलमा पाँच विकेट लिएका थिए ।

दोस्रो वर्ष सन् २०१९ को आइपिएलमा लामिछानेले छ खेलमा आठ विकेट लिएका थिए । तेस्रो वर्ष सन् २०२० को संस्करणमा भने उनलाई कुनै पनि खेलमा खेल्ने मौका दिइएको थिएन । उनले आइपिएलमा अहिलेसम्म ९ खेल खेल्दै १३ विकेट लिएका छन् ।

त्यस्तै नेपालका सुपरस्टार बलर सन्दीप लामिछानेले नेपालमा भएको त्रिकोणात्मक शिरिजमा कीर्तिमानी बलिङ गरे । पाँच खेलमा उनले १३ विकेट लिन सफल भए, जुन कुनै पनि टी-२० अन्तर्राष्ट्रिय सिरिजमा नेपाली बलरको उच्च प्रदर्शन हो ।

प्रतियोगितामा सर्वाधिक विकेट लिने बलर बनेका छन् उनी ।
सन्दीपले कुल १९.५ ओभर बलिङ गर्दा ८.२१ को इकोनोमीमा १६३ रन खर्चिए । उनी केही महंगा अवश्य भएका हुन् । तर, आफ्नो ‘विकेट टेकर’ छविलाई कायम राख्न उनी सफल भए । उनले १२.५३ को औसत कायम गरेका छन् ।

२०७८ बैशाख १६, बिहीबार १५:४४ गते 1 Minute 501 Views

यहाँ प्रकाशित कुनै समाचारमा तपाईंको गुनासो भए हामीलाई [email protected] com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

ताजा समाचार