२०७८ आश्विन ४ सोमबार

माधब नेपाल भन्नुहुन्छ : एमसीसी परिमार्जनसहित अगाडि बढाउनुपर्छ।

काठमाडौँ : नेकपा (एकीकृत समाजवादी) का अध्यक्ष माधवकुमार नेपालले संसद्‌मा विचाराधीन मिलेनियम च्यालेन्ज कर्पोरेसन एमसीसी र नेपाल सरकारबीच भएको सम्झौता परिमार्जनसहित अगाडि बढाउनुपर्ने बताएका छन् ।

नयाँ पार्टीका योजनाबारे जानकारी दिन आयोजित पत्रकार सम्मेलनमा बिहीबार अध्यक्ष नेपालले तत्कालीन नेकपाले झलनाथ खनालको संयोजकत्वमा गठित कार्यदलको सुझावअनुसार एमसीसी अगाडि बढाउनुपर्ने बताए ।

एमसीसी सुधार गरेर, परिमार्जन गरेर अगाडि बढाउनुपर्छ । नेपालको हितमा प्रयोग होस् र त्यो कुनै पनि रणनीतिक योजनाको अंग नबनोस। विदेशीहरूका विरुद्धमा लक्षित नहोस्,अध्यक्ष नेपालले भने । एमसीसीले नेपाली हितको कुठाराघात नगर्ने गरी अगाडि बढाउनुपर्ने उनको भनाइ थियो ।

खनाल संयोजकत्वको एमसीसी अध्ययन कार्यदलले अगाडि सारेका मान्यताअनुसार अगाडि बढ्नुपर्ने आफ्नो पार्टीको धारणा रहेको नेपालले प्रष्ट पारे ।

एमसीसीबारे अध्ययन गर्नका लागि तत्कालीन नेकपाले खनालको संयोजकत्वमा तत्कालीन परराष्ट्रमन्त्री प्रदीप ज्ञवाली र भीम रावल सदस्य रहेको कार्यदल गठन गरेको थियो । कार्यदलमा रहेका खनाल र रावलले एमसीसी परिमार्जनसहित अगाडि

बढाउनुपर्ने सुझाव दिएका थिए भने ज्ञवालीले जस्ताको तस्तै संस’द्बाट पारित गर्नुपर्ने फरक मत लेखेका थिए । उनले एमसीसी नबुझेकाले वि’रोध गरिरहेको बताएका थिए ।

एमसीसीलाई लिएर दलहरू विभाजित हुँदा यो योजना अलपत्र परेको छ । नेपालको ऊर्जा र सडक पूर्वाधारमा अमेरिका र नेपालको संयुक्त लगानीमा यी क्षेत्रमा ठूला परियोजना अगाडि बढाउने एमसीसीमा उल्लेख छ ।

२०७८ भाद्र १०, बिहीबार २२:३९ गते 1 Minute 245 Views

यहाँ प्रकाशित कुनै समाचारमा तपाईंको गुनासो भए हामीलाई [email protected] com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

ताजा समाचार