२०७९ मंसिर २२ बिहीबार

लालबन्दी बाट मात्रै वर्ष दुई अर्ब २४ करोडको तरकारी निकासी !

सर्लाही : सर्लाहीको लालबन्दीमा रहेको कृषि थोक बजार व्यवस्थापन समितिले आर्थिक वर्ष २०७७/०७८ मा रु दुई अर्ब २४ करोड ३४ लाख ३३ हजारको तरकारी निकासी गरेको छ ।

लालबन्दी नगरपालिका–७ मा रहेको कृषि थोक बजार व्यावस्थापन समितिले विसं २०७७ साउन १ देखि विसं २०७८ को असारमसान्तसम्ममा रु तीन करोड ९० लाख ७६ हजार ९६१ किलो तरकारी निकासी गर्दा रु दुई अर्ब २४

करोड ३४ लाख ३३ हजारको रकम सङ्कलन गरेको हो ।
साथै आव २०७७/०७८ को अन्तिम महिना असारमा २९ लाख ५६ हजार २०० किलो तरकारी निकासी गर्दा रु नौ करोड एक लाख ४० हजार ४५० बराबरको तरकारी निकासी गरिएको बजार व्यवस्थापन समितिका व्यावस्थापक शम्भु घिमिरेले जानकारी दिनुभयो ।

जिल्लाको लालबन्दी, हरिवन, हरिपुर र ईश्वरपुर नगरपालिका क्षेत्रमा किसानले उत्पादन गरेका टमाटर, परबर, बोडी, सिमी, भाण्टा, करेलालगायतका तरकारी लालबन्दीको तरकारी बजारमा आउने गरेको छ ।

देशका सिन्धुली, रामेछाप, काठमाडौँ, पोखरा, बुटवल, भैरहवा, नारायणगढ, नेपालगञ्ज, हेटौँडा, वीरगञ्ज, गौर, जनकपुर, सिरहा, विराटनगर, इटहरीका साथै छिमेकी देश भारतको सोनवर्षा तथा सितामाडीलगायतका स्थानमा लालबन्दीबाट तरकारी निकासी हुने गरेको छ ।

त्यसमध्ये टमाटर ५० प्रतिशत, पर्वल २५ प्रतिशत, बोडी १० प्रतिशत, सिमी १० प्रतिशत र अन्य तरकारी पाँच प्रतिशत गरी कूल रु तीन करोड ९० लाख ७६ हजार ९६१ किलो तरकारी लालबन्दीबाट निकासी भएको छ ।

२०७८ श्रावण २६, मंगलवार २०:०५ गते 0 Minutes 745 Views

यहाँ प्रकाशित कुनै समाचारमा तपाईंको गुनासो भए हामीलाई [email protected] com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।