२०७९ आश्विन १५ शनिबार

कुलमान घिसिङ भन्नुहुन्छ : प्रसारण लाइनको अभावमा विद्युत् खेर गइरहेको छ ।

कावासोती : नेपाल विद्युत् प्राधिकरणका कार्यकारी निर्देशक कुलमान घिसिङले प्रसारण लाइनको अभावमा विद्युत् खेर गइ रहेको बताएका छन् । हेटौंडा–भरतपुर–बर्दघाट २२० केभी प्रसारण लाइन आयोजनाको निरीक्षणका क्रममा नवलपुर

आइपुगेका निर्देशक घिसिङले प्रसारण लाइन नभएकै कारण विद्युत् खपत बढाउन नसकेको बताएका हुन्।.‘उद्योगीले बत्ती नपाउने, अर्कोतिर खेर जाने भएको छ, यसैले खपत बढाउन प्रसारण लाइन चाँडै बनाउन आवश्यक छ,’ उनले भने, ‘हामीले यसका लागि पहल गरिरहेका छौं, राज्यका सबै संयन्त्रले सहयोग गर्नुप¥र्‍याे।’

निर्देशक घिसिङले प्रसारण लाइन निर्माण को क्रममा विभिन्न अवरो’ध हुँदा कामले प्रगति हासिल गर्न नसकेको भन्दै सबैको सहयोग आवश्यक रहेको बताए। प्रसारण लाइनका कारण दैनिक विद्युत् खेर गएको तर पाउनुपर्ने उद्योगीले नपाएको उनको भनाइ छ। चितवनको भरतपुरबाट पश्चिम १३२ केभीको सिङ्गल सर्किटबाट ९० मेघावाट मात्रै विद्युत् पठाउन सकिएको

भन्दै निर्माणधिन २२०केभी प्रसारण लाइन सम्पन्न भए करिब पाँच सय मेघावाट विद्युत् बुटवलसम्म पु¥र्‍याउन सकिने उनको भनाइ छ। नवलपुर, परासी, बुट वल क्षेत्रमा उद्योगले विद्युत् धेरै माग गरिरहेको तर प्रसारण लाइनको अभावका कारण समस्या भएको उनले बताए।

निर्देशक घिसिङले बुटवलसहित भैरहवा र नेपालगञ्जसम्म विद्युत् लोड बढाउन आफूहरू लागि परेको बताउँदै यसका लागि हेटौंडा–भरतपुर–बर्दघाट २२० केभी प्रसारण लाइन चाँडै सम्पन्न गर्नुपर्ने अवस्था रहेको जानकारी दिए। तामाकोशी परियोजनाबाट अहिले दुई हजार मेगावाट उत्पादन भइरहेको तर ट्रान्स’मिसन लाइन नहुँदा भरतपुरदेखि पश्चिम जान नसकेको जानकारी दिदै उनले विद्युतको खपत बढाउन विद्युतीय सवारी प्रयोगलाई बढाउँदै जानुपर्नेमा जोड दिए।

निर्देशक घिसिङले पेट्रोलभन्दा धेरै सस्तोसमेत पर्ने भएकाले यसको प्रयोग बढाउन देशका विभिन्न स्थानमा चार्जिङ स्टेशन निर्माण गर्न लागिएको बताउँदै ठाउँ उपलब्ध गराए नवलपरासी पूर्व नवलपुर क्षेत्रमा समेत चार्जिङ स्टेशन निर्माण गर्न सकिने उल्लेख गरे। यसै क्रममा नवलपुरको बोझा पोखरीमा सव स्टेसन निर्माणमा ढिलाइ भएको र यसका कारण जिल्लाका दुई गाउँपालिकामा अझै राष्ट्रिय प्रसारणको लाइन पुग्न नसकेकोमा स्थानीय सरोकारवालाले चि’न्ता व्यक्त गरेका छन्।

सो अवसरमा निर्देशक घिसिङले सवस्टेसन चाँडै सक्न आफूले पहल गर्ने र बजेटको अभाव हुन नदिने प्रतिवद्धता व्यक्त गरे। प्रमुख जिल्ला अधिकारी मनमाया पङ्गेनीले हेटौंडा–भरतपुर–बर्दघाट २२० केभी प्रसारण लाइन आयोजनाको नवलपुर क्षेत्रमा भएको प्रगतिको बारेमा जानकारी दिएकी थिइन। प्रसारण लाइनको नवलपुरमा १९३ वटा टावर पर्दछन्।

तीमध्ये १९१ वटा टावर बनिसकेको र अदालतको स्टेअडरका कारण दु’म्किबास क्षेत्रमा दुईवटा टावर बन्न नसकेको उनले बताइन् । स्थानीयस्तरबाट प्रसारण लाइन निर्माण हुने सम’स्या समाधानका लागि आफू लागि रहेको प्रमुख जिल्ला अधिकारी पङ्गेनीले बताइन। हेटौंडा–भरतपुर–बर्दघाट २२० केभी प्रसारण लाइन अन्तर्गत भरतपुर पश्चिममा २४६ र पूर्वमा २२६ वटा टावर रहेका छन्। फागुन सम्ममा भरतपुर पूर्वको काम सकिने जनाइएको छ। -रासस

२०७८ आश्विन ५, मंगलवार १२:३० गते 1 Minute 185 Views

यहाँ प्रकाशित कुनै समाचारमा तपाईंको गुनासो भए हामीलाई [email protected] com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।